ماجدة الصاوي
02-25-2009, 07:44 PM
مين صحيح قال
عالم تالت
بس احنا اللي
عن ربنا اتخلينا
وعن مبادئنا نسينا
وهجرنا شرعنا ودينا
يبقى المسؤل هو احنا
والله يهدينا يارب ويبصرنا
أحمد
سلمت بما أبدعت
دمت بكل الود
ماجدة الصاوي
02-25-2009, 08:06 PM
عايز تعرف ليه مقسمين
لأننا نسينا رب العالمين
عصيناه
ومااتبعنا سنة النبي الأمين
ماجدة الصاوي
02-25-2009, 08:46 PM
والله رائع بجد
ومااعرف كيف
ياعم احمد اقدر اجاريك
ف العامية الصعبة عليا
تسلم والله
ولك ألف ومليون سلام
ماجدة الصاوي
02-25-2009, 09:02 PM
عندك حق وكله مقدر
والعالم نايمة
وكله خلاص بيقول يالا يانفسي
الله يرحم عبادة
ويهديهم
ماجدة الصاوي
02-25-2009, 10:14 PM
آه يادنيا آخر الزمان
وحوار بيني وبين اللي كان
روق نفسك يابن آدم
وطظ فيكِ يادنيا يافانية
ياللي ببلاش والناس قايمالك حساب نتاش
فالصوا ومالكيش أي حساب لا آجل ولا كاش
وعجبي ومليون عجبي عليك يابن آدم
وآآآه و برجع لورا سنين وسنين
فينك ياعم صلاح جاهين
الواقع المبدع هو فين
عم صلوحة ده أنت كنت عبقرينو
سابق عصرك
قلت اللي بيحصل من قبل الأوان
ياللا وايش يفيد يازمان
والغلب والأسية محاوطة الواد والصبية
آآآه يالوعي ايه يابن آدم الوهم ده حلو الكلام
قالي ده عشق العاشقين
ياعم عاشقين مين
ماعاد فيه عشق ده راح وغاب من سنين
ماهو بقولك راح من سنين
وزمان العشق كان
همس بقلب حقيقي متلوع مسكين
نابض بحس وحنين
واليوم بات العشق كلمة وشوية حروف متحيرين
يتوهوا ف سكة الغالبانين
ويصدقوها المتغربين
أجمل كذبة باعها بن آدم بتمن بخس مهين
كلمة بحبك وآآه بحبك صك وهم العاشقين
وآآآه ياحب وع البشر
كذبوا باسمك
لوثوا بهمسك
تاجروا بعرضك
وباعوا خيانة كل أرضك
يابن آدم
لو انت صادق مسكين
صدق نفسك عيش ولو تنتظر سنين
مسيرك لو انت قوي ومتين
تلقى قلب يعشق عشق المحرومين
ويهيم معاك بصدق
بس انت تقوى فوق غش البشر
وترجع فارس فرسان العهد القديم
ياملهمي
ف ضي صبحيه
فجرها بيشرق بعيونك يدفي صقيع قلب وحيد
يقولك كنت فين مستنيك
تعشق ولا تشرق ولا تبعد ولا تغرب
وتروي عطشي الحزين
لكن والف لكن
تاهت وعادي متعودين
نعود ونرجع هههههههه بنفس الموال القديم
ونفوق روحنا إننا بزمانا
تاهت قلوب الصادقين
وحنفضل على الحالة دي ليوم الدين
ماجدة الصاوي
7 نوفمبر 2008
ماجدة الصاوي
02-26-2009, 06:35 PM
كله راح يجري
يدور على نفسة
شملتنا الأنانية
وبقى كله همه
مجده هو وبس
نسينا في الوحده قوة
وده كلام جد من رب العزة
وآآآه يامسلمون فين قلوبكم
فين عقولكم
حترحوا بعد ده كله لفين
جبن وخنوع
ورجوله ضايعة
اللهم يارب برحمتك إرحم ضعفاءنا
ماجدة الصاوي
02-28-2009, 10:11 PM
مين قال في خوف
أو ضعف
طول مافي قلوب بتعرف لسه تحب
تعرف لسه تحس ببعض
وتلمس بدقاتها عروق النبض
مهما يكون البعد
وتطبطب وتداوي
وتحن لسه على قلب وحيد
يبقى الخير بالكون موجود
ولو بقلب واحد بس أكيد
قلب شفاف رايق بالشوق والود
ماجدة الصاوي
03-03-2009, 08:45 PM
والله ياعم احمد
كلامك كل صح تمام
الشعب العربي
رايته رافعها همام
واقف بيحي صحاب المقام
يدارى ف روحة
وقال يقولك الحيطة ليها ودان
يئن لوحده بس مايسمعش أي جيران
وينام على غنوة ورقصة
تخدر قلبة التعبان
والحلم يزيد جواه
ويتحول لمجرد أوهام
مش عارف يوصله
ولا عمره حيوصله
ويعيش يحلم له
وف الأخر بالتربة بس يتحققله
ماجدة الصاوي
03-06-2009, 10:41 PM
مين قال
لازم نكون رايقين علطول
والقلب فيه اللي فيه
مرهق من طول السفر
تعبان معلول
ماجدة الصاوي
03-07-2009, 09:36 PM
مين قال
غير ربك يسعفك
وتروحله تدعيله
وهو بس ينجدك
حط كل همك بين أيديه
وف ظل رحمته
تستنجد وتتوسل
ربي على بابك
أنا محتاجلك
ومالي غيرك
وبيك
وليك
بس دون سواك
أتحمل
بس ياربي
أنول رضاك
أدعوك
ياربي رحمتك